ဓာတ်ငွေ့ပိုက်လိုင်း ထားရှိရန် ယာယီငှား မြီကွက်တိကို လျှော်ကြေးပီးရေလို့ ဆောက်လုပ်ရေး ၀န်ထမ်းတဦးက ပြောဆို (ရခိုင်ရိုးမ)


ဓာတ်ငွေ့ပိုက်လိုင်း သွယ်တန်းဖို့ အတွက် ပိုက်လိုင်းတိ ထားရှိရန် ယာယီမြီကွက် ငှားရမ်းခကို ဒေသခံတိအား လျှော်ကြေး ပီးကြောင်း ဆောက်လုပ်ရေး ကုမ္ပဏီ ၀န်ထမ်းတဦးက ရခိုင်ရိုးမကို ပြောပါရေ။

ကျောက်ဖြူမြို့ အနောက်တောင်ဘက်  ၅-မိုင်ခန့်ရှိ ကံ့ကော်တောဘုရား အနီးတ၀ိုက်ရှိ မြီကွက် တချို့ကို  ယာယီ ဓာတ်ငွေ့ ပိုက်လိုင်း ထားရှိရန် အတွက် ငှားရမ်းလိုက်ပြီး ဒေသခံ မြီပိုင်ရှင်တိကိုလဲ လျှော်ကြေးပီးကြောင်း ပါရမီကုမ္ပဏီက ၀န်ထမ်းတဦးက ရခိုင်ရိုးမကို အခုပိုင်ပြောပါရေ။

“ တန်ရာတန်ကျေးကိုကျနော်ရို့ပီးပါရေ။ မပီးစွာ မဟုတ်ပါ၊ ဖေချာတိ အပြည့် မရစွာက ကျနော်ရို့နန့် မဆိုင်ပါ၊ ကျနော်ရို့က သတ်မှတ်ထားအတိုင်း ပီးစွာပါ”လို့ အမည်မဖော်လိုရေ ၀န်ထမ်းတဦးက ရခိုင်ရိုးမကိုပြောပါရေ။

ကံ့ကော်တော့ဘုရား အနီးရှိ မြီကွက်တိကို ဂုံးချိန်ရွာသားတိ ပိုင်ဆိုင်ကြပြီးကေ  ပိုက်လိုင်း ယာယီထားရှိဖို့ အတွက် ကုမ္ပဏီတိက ဓာတ်ငွေ့ပိုက်လိုင်းတိ ထားရှိဖို့အတွက် ယာယီသုံးစွာဖြိုက်တေလို့သိရပါရေ။

အဆိုပါ မြီကွက်ရေ ပိုင်ရှင် ဆယ်ဦးရှိပြီး အဓိက ဥယိုင်ခြံမြီဖြိုက်ကြောင်း သီဟို၊ သရက်ပင်တိကို စိုက်ပျိုးရေမြီ ကွက်ဖြိုက်ကြောင်း သိရပါရေ။
မြီကွက် ပိုင်ရှင်တဦးက မြီခအစား အပင်ခတိကိုရာ ပီးကြောင်း၊ တပင်ကို ကျပ်ငွေလေးသောင်းစီရကြောင်း ပြောပြပါရေ။

“အပင်ခ ပီးပါရေ၊ မြီခကား မပီးပါ၊ အပင်တပင်ကို နေပြည်တော်က ရှစ်သောင်းပီးရေ၊ ငါ့ရို့ရခါ လေးသောင်းယာ ရရေ၊  မြီကွက် ပိုင်ရှင် တကျိတ်ပါ၊ ကုန်ဘောင်တိပါ၊ ဒေမြီတိကို ငှားရမ်းခါ ၊ကံ့ကော်တော ဘုရားဂေါပက လူကြီးနန့် မြို့လူကြီးတိရို့က စာချုပ်နန့် ငှားစာပါ၊ ဖေချာက ပိုင်ရှင်တိ  အပြည့်မရပါ ၊ ဂေါပကလူကြီးတိ ဖြတ်စားထားရေ၊ အပင်တိက သီဟိုပင် သရက်ပင်တိပါ”လို့ ဒေသခံတဦးက ပြောပါရေ။

ယင်း မြီကွက်တိကို ဆောက်လုပ်ရေးကုမ္ပဏီတိက ကံ့ကော်တော ဂေါပက လူကြီးတိနန့် ညိနိုင်းပနာ စာချုပ်နန့် ငှားရမ်းခစွာ ဖြိုက်တေလို့ သိရပါရေ။

အဂု အခါ အဆိုပါနိန်ရာတိမှာ ပိုက်လိုင်း ယာယီထားဖို့အတွက် အမာခံမြီတိ ဖို့နိန်ပြီးကေ ဒေလ အကုန် ဓာတ်ငွေ့ ပိုက်လိုင်း ရောက်ရှိဖို့ဖြိုက်တေလို့ သိရပါရေ။

စာချုပ်အရ မြီကွက်တိကို ငှားရမ်းဒါလဲ ပြည်သူပိုင်ကံ့ကော်တော ဘုရားလမ်းကို အသုံးပြုခွင့် မပါရှိကြောင်း၊ သို့သော်လည်း ဆောက်လုပ်ရေးက ကားတချိူ့ရေ အဆိုပါလမ်းကို အသုံးပြုနိန်ရေ အတွက် လမ်းပျက်စီိးနိန် ကြောင်းသိရပါရေ။

ကံ့ကော်တော ဘုရားအနီးရှိ မြီကွက်တိရေ မလကျွန်းရှိ ဓာတ်ငွေ့သန့်စက် စက်ရုံနန့် ပါးရေအတွက် ဘုရားအနီးတ၀ိုက်ပတ်လည်ရှိ
မြီကွက်တိကို ငှားရမ်းအသုံးပြူနိန်စွာ ဖြိုက်တေလို့ သိရပါရေ။
မြီကွက်တိရေ ကံ့ကော်တောဘုရား အ၀င်မြီကွက်နန့် ဘုရားပွဲတော် ကျင်းပရေ နိန်ရာတိ ဖြိုက်ပါရေ။
ဓာတ်ငွေ့ ပိုက်လိုင်း စီမံကိန်းတချို့ကို ပြည်တွင်းကုမ္ပဏီ တချို့က တာဝန်ယူ ဆောင်ရွက်နိန်စွာ ဖြိုက်ကြောင်း ပိုက်လိုင်းကို ဒေလ အကုန် သွယ်တန်းဖို့ ဖြိုက်ကြောင်း သိရပါရေ။

ယင်းအပြင် နိန်ရာ အများအပြားမှာ စီမံကိန်းနယ်မြီတိ ဖြိုက်လာရေ အတွက် ကျွဲနွားတိ အတွက် စားကျက်မြီလဲ ရှားပါးလာကြောင်း ဂုံးချိန်ရွာသားတိက ပြောပြပါရေ။